Çavuşoğludan maraqlı əhvalat: “Azərbaycanda “aşağı düş” dedilər, çaşdım…”
![Çavuşoğludan maraqlı əhvalat: “Azərbaycanda “aşağı düş” dedilər, çaşdım…”](https://sfera.az/photo/orginal/2017/12/20/376140.jpg)
16:53 / 20.12.2017
1660
"Azərbaycan və türk dillərində olan müəyyən fərqlilik əslində bizim zənginliyimizdir”.
Sfera.az Trend-ə istinadən xəbər verir ki, bunu Türkiyənin xarici işlər naziri Mövlud Çavuşoğlu Türkiyənin Azərbaycandakı səfirliyində rəsm sərgisinin açılışında deyib.
Bununla belə, nazir başına gələn maraqlı əhvalatlardan da danışıb:
"İlk dəfə Azərbaycana gələndə həqiqətən də Azərbaycan dilini başa düşməyə çox çətinlik çəkirdim. Bir dəfə hoteldə olarkən mənə zəng elədilər və dedilər ki, cənab nazir, zəhmət olmasa, aşağı düşün. Mən anlamadım, çaşıb qaldım. Çünki "düşmək” bizim dildə "yıxılmaq” deməkdir. Bir dəfə də valyuta dəyişərkən mənə dedilər ki, qol çək. Öz-özümə düşündüm ki, nəyin, kimin qolunu çəkim? Buna görə də ilk vaxtlar Azərbaycan dilində bəzi sözləri anlaya bilmirdim”.