Sabirabadda dəhşətli qəza: 4 ölü
Hadisə
09:30 / 09.10.2017
1528
08:25
Sabirabadda ağır yol qəzası baş verib.
Report-un xəbərinə görə, hadisə rayonun Şəhriyar kəndi ərazisində qeydə alınıb.
Belə ki, KaMAZ markalı yük avtomobili ilə "Mersedes" markalı avtomobil toqquşub. Hadisə nəticəsində 3 nəfər ölüb, Füzuli rayon sakinləri - 22 yaşlı Araz Mehdi oğlu Xənimli, 21 yaşlı Etibar Məzahir oğlu Eyvazlı isə xəsarət alıb. İkinci yaralının vəziyyətinin kritik olduğu bildirilir.
Yaralılar Şirvan Şəhər Mərkəzi Xəstəxanasına yerləşdirilib.
Faktla bağlı araşdırma aparılır.
***
Qəza nəticəsində ölənlərin sayı 4-ə çatıb.
Hadisə nəticəsində ağır xəsarət almış Etibar Məzahir oğlu Eyvazlı dünyasını dəyişib.
Sfera.az
