Türkiyə Baş naziri Binəli Yıldırım İsmayıl Haniyəni HƏMAS-ın Siyasi Bürosunun sədri seçilməsi münasibəti ilə təbrik edib.

Yıldırım təbrikini telefon danışığı zamanı Haniyəyə çatdırıb. Telefon danışığı Ankaranın təşəbbüsü ilə baş tutub.

Qeyd edək ki, HƏMAS-ın bundan öncəki lideri Xalid Meşal Türkiyə ilə həddən artıq sıx əlaqələrə sahib idi. Hətta bunun sayəsində Türkiyə İranın HƏMAS-dakı təsirini zəiflədə bilmişdi. Ankaranın İsrail ilə münasibətlərinin normallaşmağa başlaması ilə Türkiyə-HƏMAS münasibətləri müəyyən qədər zəifləmişdi.