Zaxarova Mehriban Əliyeva haqda möhtəşəm sözlər söylədi

Azərbaycanın Birinci vitse-prezidenti, birinci xanımı və Heydər Əliyev Fondunun prezidenti Mehriban xanım Əliyevanın fəaliyyəti böyük hörmət və heyranlıq yaradır.

Sfera.az xəbər verir ki, bu sözləri Rusiya Xarici İşlər Nazirliyinin rəsmi nümayəndəsi Mariya Zaxarova Azərbaycanın Rusiyadakı səfirliyində təşkil edilən Respublika Günü ilə bağlı mərasimdə "Vestnik Kavkaza” saytına açıqlamasında deyib.

"Bir müddət öncə Bakıda olarkən şəhərin müasir görünüşünə heyran oldum. Bakı necə böyük sevgi və zəhmətlə qurulub! Hər şeyi, tarixi görməli yerləri ilə birgə gözəldir!” - o qeyd edib.

Zaxarova bildirib ki, Bakıda səfərdə olarkən bir neçə saat boş vaxtda şəhərin tarixi yerlərinə ekskursiya təşkil edilib: "Muzeyləri, dekarativ-tətbiqi incəsənət sərgilərini görəndə soruşdum ki, siz tarixi, ənənəvi mədəni sərvəti yeni texnologiya ilə necə uğurla uyğunlaşdırmağa nail olmusunuz?! Və mənə dedilər ki, bu işə ən böyük töhfəni birinci xanım Mehriban Əliyeva verib. Bundan sonra mən Mehriban xanımın fəaliyyətini oxumağa, izləməyə başladım – bilmək istəyirdim, o, necə edir ki, fəaliyyətinin nəticəsi belə gözəl alınır. Bu barədə hətta Moskvada Azərbaycan səfirinə də danışdım və soruşdum ki, doğrudanmı belədir? Səfir də bunları təsdiqlədi!”

Mariya Zaxarova deyib ki, bundan sonra bir neçə dəfə Bakıya səfər edib: "Gündən-günə Bakının daha maraqlı, daha gözəl və daha müasir şəhərə çevrildiyini görürdüm. Müşahidə etdim ki, Mehriban xanım Əliyeva bütün bu layihələrə rəhbərlik edir. Demək istəyirəm ki, onun fəaliyyəti böyük hörmət və heyranlıq yaradır”.