Azərbaycan güləşçisi bürünc medal qazandı - YENİLƏNİB
18:38
Azərbaycanın yunan-Roma güləşçisi Murad Məmmədov (59 kq) IV İslam Həmrəyliyi Oyunlarında bürünc medal uğrunda xalça üzərinə çıxıb.
Sfera.az Trend-ə istinadən xəbər verir ki, 3-cü yer uğrunda mübarizədə idmançımızın rəqibi İordaniya təmsilçisi Alqade Mostafa Sultan Rayek olub.
Güləşçimiz rəqibini 8:0 hesabı ilə məğlub edərək bürünc medala sahib olub.
Qeyd edək ki, Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.
----------
12:38
Bakı-2017 IV İslam Həmrəyliyi Oyunlarında güləşçilərin mübarizəsi davam edir.
Sfera.az Trend-ə istinadən xəbər verir ki, yarımfinalda məğlub olan güləşçimiz Rəsul Çunayev (71 kq) bürünc medal uğrunda görüşə çıxacaq.
Onun rəqibi Türkiyə idmançısı İlker Sönmez olacaq.
Digər təmsilçimiz Murad Məmmədov da bürünc medal uğrunda iordaniyalı Mustafa Alqade ilə döyüşəcək.
Finala yüksələn Rafiq Hüseynov və Orxan Nuriyev isə müvafiq olaraq İran idmançısı Yusif Qaderian və qırğızıstanlı Uzur Juzupbekovla qarşılaşacaq.
Qeyd edək ki, Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.
