Vahid Əhmədov: \"Manat ucuzlaşacaq, dollar isə bahalaşacaq\" - REAKSİYA

Məsələni Sfera.az-a şərh edən Milli Məclisin İqtisadi siyasət komitəsinin üzvü, millət vəkili Vahid Əhmədov söyləyib ki, söhbət ABB-nin çökməsindən getmir:

"Bankın sağlamlaşdırılması və özəlləşməyə çıxarılması müzakirə olunur. Bununla əlaqədar keçən il Prezident fərman imzaladı. Fərmana əsasən. bankda yaranmış ciddi problem və maliyyə sıxıntıları aradan qaldırılmalıdır. O fərmana uyğun olaraq da keçən il bankın 3,3 milyard dollara yaxın passiv-aktivləri dövlət bankına kredit verildi. Bankın problemi artıq uzun müddətdir ki, davam edir. Çünki faktiki olaraq vaxtilə iş fəaliyyətini yaxşı qurmamışdı. Həm dövlət, həm də qeyri-dövlət zəmanəti ilə çoxlu sayda kreditlər vermişdi. Əlbəttə ki, dövlətdən də müəyyən vəsait ayrılıb. Ayrılan vəsait də Maliyyə Bazarlarına Nəzarət Palatasına gedir. Palata da həm manata, həm də dollara öz təsirini göstərir. Çox güman ki, manat ucuzlaşacaq, dollar isə bahalaşacaq". 

 

"Birinci ssenari ondan ibarətdir ki, bu ödəniş Mərkəzi Bank tərəfindən həyata keçiriləcəksə və ya hərraclara daxil olub dollar imkanı yardacaqsa, bu zaman dollar yenidən bahalaşacaq. Çünki fevral ayından etibarən Beynəlxalq Bank demək olar ki, hərraclarda iştirak etmir. Dollara olan tələbatın azalması da bu bankın hərraclara çıxmamasıdır. Son 3 ayda da dollara olan tələbin azalması müşahidə olunur. İkinci ssenari: Mərkəzi Bank həraca daxil olmadan ABB-nin borcunu Neft Fondunun transferləri hesabına ödəsə, təbii ki, bu da dollara olan tələbin qarşısını kəskin alacaq". 

Qeyd edək ki, Beynəlxlaq Bank xarici borcları üzrə ödənişlərini dayandırıb. Azərbaycanın ən böyük bankının böyük ziyan düşməsinin səbəbi kimi manatın devalvasiyası göstərilir.