Azərbaycanda güclü zəlzələ - YENİLƏNDİ
![Azərbaycanda güclü zəlzələ - YENİLƏNDİ](https://sfera.az/photo/orginal/2017/05/11/352733.jpg)
Hadisə
12:12 / 11.05.2017
1293
Respublika Seysmoloji Xidmət Mərkəzi Azərbaycanda bu gün baş verən zəlzələ ilə bağlı məlumat açıqlayıb.
Mərkəzdən verilən məlumata görə, yerli vaxtla saat 07:24:19-da Saatlı rayonu ərazisində zəlzələ qeydə alınıb.
Zəlzələnin maqnitudası 5.3, dərinliyi 39 km olub.
Zəlzələ episentrdə 5 bala yaxın, ətraf rayonlarda isə 4-3 bala qədər hiss olunub.
Zəlzələ həmçinin Kürdəmir, Şamaxı, Ağsu, Hacıqabul, Sabirabad, Füzulidə də hiss olunub. (apa)
***
Bu gün saat 07:00 radələrində Azərbaycanın bir neçə rayonunda zəlzələ baş verib.
APA-nın məlumatına görə, zəlzələ Şirvan şəhəri, Salyan rayonu və Lənkəranda hiss olunub.
Məlumata əsasən, yeraltı təkanlardan sakinlər təşvişə düşüb. Dağıntı və zərərçəkənlər barədə məlumat yoxdur.
Sfera.az