Arda sevincini izləyicilərlə Quran ayəsi ilə bölüşdü - FOTO
Dünən futbol tarixində unudulmaz gecə yaşanıb.
Milli.Az Türkiyə mediasına istinadla bildirir ki, Çempionlar Liqasının 16-cı turunda Parisdə "PSJ"-yə 4:0 məğlub olan "Barselona" cavab matçında möcüzə reallaşdırıb. Belə ki, o, öz meydanında "PSJ" -ni 6-1 məğlub edib.
"Barselona" (İspaniya) - PSJ (Fransa) - 6:1
Qollar: Suarez, 3, Kurjava, 40 (öz qapısına), Messi, 50 (pen.),Neymar, 88, 90 (pen.), Roberto, 90+5 - Kavani, 62
Matçın 65-ci dəqiqəsində İnyestanın yerinə daxil olan Arda Turan da qalibiyyətdə mühüm rol oynayıb.
O, qələbənin ardından həm Tvitter-də, həm də İnstaqram-da paylaşım edib.
Tvitter: "Siz ona futbol komandası deyirsiniz, biz "Barsa", siz "möcüzə" adlandırırsız, biz "normal".
Ulduz futbolçu İnstaqram paylaşımı ilə bütün diqqətləri öz üzərinə çəkməyi bacarıb. Belə ki, o, İnstaqram-da Qurandan ayə yazıb: "Kün Feyekün"
Qeyd edək ki, "Yasin" surəsində olan bu ayə "Allah ol desə, o şey olar" anlamına gəlir.
