Ukrayna və Rusiyada \"Afrika taunu\" HƏYƏCANI - Azərbaycan üçün təhlükə varmı?

Ukrayna və Rusiyada \

"Azərbaycan artıq Ukrayna və Rusiyanın cənub hissəsində donuzlar arasında Afrika taununun aşkarlanması barədə məlumatlandırılıb".

Sfera.az xəbər verir ki, bunu Trend-ə Kənd Təsərrüfatı Nazirliyi yanında Dövlət Baytarlıq Nəzarəti Xidmətinin (DBNX) mətbuat xidmətinin rəhbəri Yolçu Xanvəli deyib.

Y.Xanvəlinin sözlərinə görə, hazırda Azərbaycan yalnız İspaniya, Hollandiya, Danimarka və Avstriyadan donuz əti və donuz piyi idxal edir ki, həmin ölkələrdə də donuzlar arasında epizootik vəziyyət sabitdir. Ukrayna və Rusiyadan isə Azərbaycan donuz əti və donuz piyi idxal etmir. Lakin Rusiyadan xəstəliyin qeydə alınmadığı və risk zonasına daxil olmayan ərazilərdən donuz əti və donuz piyinin istifadə edildiyi məhsullar ölkəmizə gətirilir.

Həmin məhsulların tərkibindəki donuz əti və piyinin bişmiş vəziyyətdə olduğunu deyən Y.Xanvəli belə məhsullarla bağlı əhali arasında hər hansı narahatlığın yaranmasına əsas olmadığını da söyləyib: "Ümumdünya Sağlamlıq Təşkilatı mütəmadi olaraq, ölkələrdə heyvanlar arasındakı sağlamlıq vəziyyəti ilə bağlı məlumatları təqdim edir. Eyni zamanda, hökumətlərarası müqavilələrə əsasən də bununla bağlı məlumatlar bir ölkədən digərinə ötürülür. Bu məlumatlara əsasən, Azərbaycan xəstəliyin qeydə alındığı və risk zonasına aid olan ərazilərdən ətin idxalına icazə vermir".

Y.Xanvəlinin sözlərinə görə, Zaqatala, Qəbələ rayonlarında, Bakı ətrafı ərazilərdə və s. yerlərdə də təxminən 30-40 kiçik donuzçuluq təsərrüfatı var.

 

O, hazırda Azərbaycandakı donuzçuluq təsərrüfatlarında epidemioloji vəziyyətin normal olduğunu və heç bir problemin olmadığını da söyləyib.

Y.Xanvəli əlavə edib ki, Azərbaycanda donuzlar arasında Afrika taunu 2008-ci ildə Qəbələnin Nic qəsəbəsində aşkarlanmışdı. Həmin vaxt xəstəliyin yayılmasının qarşısını almaq üçün ciddi tədbirlər görülüb və 3 il müddətinə karantin elan edilib. Bundan sonra isə donuzların yalnız qapalı şəraitdə saxlanılmasına icazə verilib.

Xatırladaq ki, Ukraynanın 3 vilayətində Afrika taunu kütləvi şəkildə yayılıb. Bu xəstəlik nəticəsində Ukraynanın bəzi kəndlərində donuzlar arasında kütləvi ölüm faktı qeydə alınıb.


OXŞAR XƏBƏRLƏR

Leysan olacaq, dolu düşəcək - XƏBƏRDARLIQ

Azərbaycanda iyulun 24-dən hava şəraiti dəyişir.   Bu barədə Sfera.az-a Milli Hidrometeorologiya Xidmətindən məlumat verilib.   Bildirilib...

Ağadadaş Ağayevi döyən gözətçi saxlanılıb? - RƏSMİ AÇIQLAMA

Sosial şəbəkələrdə Xalq artisti Ağadadaş Ağayevi döyən "MedEra Hospitalı"nın gözətçisi Nurəddin Cəlilovun saxlanıldığı iddia olunub.   Sfe...

"Ayda daimi baza yaratmalıyıq" - Maskdan maraqlı TƏKLİF

Amerikalı iş adamı, milyarder İlon Mask Ayda daimi əhalisi olan baza yaratmağı təklif edib.   Sfera.az xəbər verir ki, o, bu barədə sosial şəbəkədək...

Rusiya və İran tarixi sənədi imzalamağa hazırlaşır - XİN rəsmisindən AÇIQLAMA

“Rusiya və İran bu tarixi sənədin imzalanması üçün zəmin yaradan hərtərəfli əməkdaşlıq müqaviləsinə son nöqtəni qoyub”.   Sfera.az xəbər...

Yetkinlik yaşına çatmayanların kəbinini kəsənlər iki min manat cərimələnəcək

Yetkinlik yaşına çatmayanların kəbinini kəsənlər cərimələnəcək.   Sfera.az-ın xəbərinə görə, bununla bağlı Prezident İlham Əliyev İnzibati Xətal...

Yetkinlik yaşına çatmayanların toy və nişan mərasimlərini keçirənlər CƏRİMƏLƏNƏCƏK

Yetkinlik yaşına çatmayanların toy və nişan mərasimlərini keçirənlər 13 min manatadək cərimələnəcək.   Sfera.az-ın xəbərinə görə, bununla bağlı Prezi...