Qarabağda partlayış: ERMƏNİSTAN HƏRBÇİLƏRİ YARALANDI - Yenilənib
Fevralın 28-də döyüş mövqeyində mühəndis işlərini yerinə yetirərkən partlayıcı qurğunun detanosiyası nəticəsində iki həqiqi hərbi xidmət qulluqçusu yaralanıb.
Milli.Az Ermənistan mediasına istinadən bildirir ki, bu barədə Ermənistanın Müdafiə Nazirliyinin mətbuat xidmətinin rəhbəri Artsrun Ovannisyan deyib.
Onun sözlərinə görə hərbi qulluqçular müxtəlif dərəcəli qəlpə yaraları alıblar. Onların hamısı Ermənistan Müdafiə Nazirliyinin Mərkəzi kliniki hərbi hospitalına yerləşdirilib.
Ermənistanın İstintaq Komitəsinin 6-cı qarnizon istintaq bölməsində Ermənistanın Cinayət Məcəlləsinin müvafiq maddəsi (hərbi xidmətə səhlənkar yanaşma) ilə cinayət işi başlanıb.
Maraqlıdır ki, A.Ovannisyan hadisənin konkret harada baş verdiyini açıqlamayıb. Lakin sadə məntiqlə də aydın olur ki, söhbət Azərbaycanın işğal olunmuş ərazilərindəki döyüş mövqeyindən gedir.
-------
18:00
Qarabağda erməni müddətli hərbi qulluqçular döyüş mövqelərində mühəndis işləri apararkən partlayıcı qurğu partlayıb.
Məlumatı Ermənistan İstintaq İdarəsinin nümayəndəsi Sona Tuzyan da təsdiqləyib.
Sfera.az azvision.az-a istinadən xəbər verir ki, fevralın 28-i baş verən hadisə nəticəsində 3 nəfər məcburi hərbi qulluqçu müxtəlif dərəcəli qəlpə bədən xəsarətləri alıb.
Onlar dərhal hospitala aparılıblar.
Hazırda faktla bağlı araşdırmalar aparılır.
