ABŞ-dan Azərbaycan manatına təhdid - Pulumuz təhlükədə

ABŞ-dan Azərbaycan manatına təhdid - Pulumuz təhlükədə
"FED-in il ərzində 3 dəfə uçot dərəcəsi artırması bazarlarda çalxalanmaya səbəb ola bilər".

Sfera.az xəbər verir ki, bunu a24.Az-a açıqlamasında iqtisadçı Məhəmməd Talıblı ABŞ Federal Ehtiyyatlar Sisteminin (FES) rəsmisi Patrik Harkerin "mart ayında dolların faiz dərəcəsinin artırılmasının masada müzakirə olunacağı” barədə açıqlamasını şərh edərkən deyib.

Məhəmməd Talıblının sözlərinə görə, FES-in il ərzində 3 dəfə uçot dərəcəsi artırması adi hal deyil: "FES-in qərarının belə kəskin artırılması təcrübəsi yoxdur. Uçot dərəcəsini 3 dəfə artırmaq adi hadisə deyil. Bu, bazarların çalxalanması və bəzi iqtisadi kataklizmlərə yol açan amil ola bilər. Ona görə, bir iqtisadçı kimi belə proqnozlaşdırıram ki, növbəti görüşdə uçot "stavkası” nisbi faizlə artırılacaq. Bu, gələn ay baş verəcək. Çünki FES-in növbəti toplantısı martın 15-də olması planlaşdırılır”.

"FES-in bu addımı atmasının əsas səbəbi avro-dollar proporsiyasında dolların nisbi dəyər itirməsidir. Hətta türk lirəsi də dəyər qazanıb. Ona görə, dolların nisbi dəyər itirməsi belə FES-in preventiv (önləyici) addımlar atmasını zəruri edir. Uçot stavkasından sonra manatın dəyər itirməsi prosesi əvvəlki səviyyəsindən də yuxarı olacaq”, - M.Talıblı əlavə edib.


Məsələyə münasibət bildirən iqtisadçı Cəfər İbrahimli açıqlamasında gələn ay üçün uçot dərəcəsinin artırılacağını deməyin çox çətin olduğunu bildirib: "Uçot dərəcəsinin gələn ay qalıdırılıb-qaldırılmayacağı, may ayında artırılacağını indidən demək çətindir. FES-in uçot dərəcəsinin artırıb-artmırmaması birbaşa Azərbaycan Mərkəzi Bankına təsir etmir. Düzdü, uçot dərəcəsinin artırılması müəyyən vaxtdan sonra manatın qiymətinə təsir göstərə bilər. Amma həmin an yox. Çünki bizim manat beynəlxalq bazarlarda, dünyanın böyük bankları tərəfindən alqı-satqı əməliyyatlarında iştirak etmədiyinə görə, FES-in hər hansı dəyişikliyi ona təsir etmir. Ola bilsin ki, 5-6 ay sonra ABŞ dolları kəskin dəyər istirsin və ya bahalaşsın, belə olan halda, bizim ticari tərəfdaşımız olan ölkələrin valyutaları ilə bağlı dəyişmə manata təsir göstərə bilər. Amma FES-in uçot dərəcəsini artırdığı anda bizdə də manatın bahalaşmasını gözləmirəm. Manat rubl kimi deyil ki, dolların uçot dərəcəsi artırılanda həmən təsir etsin”.


Qeyd edək ki, bu gün Mərkəzi Bankda Dövlət Neft Fondunun iştirakı ilə keçirilən hərracda dolların məzənnəsi 1,7447 səviyyəsində formalaşıb. Sabaha olan rəsmi məzənnə də 1.7447 səviyyəsində müəyyənləşdirilib.

Xatırladaq ki, FES-in növbəti iclası mart ayının 14-15-də baş tutacaq. FES rəsmilərinin sözlərinə görə, 2017-ci il ərzində dolların faiz dərəcəsi 3 dəfə artırılacaq.

OXŞAR XƏBƏRLƏR

Alimləri belə şoka salan bu canlı stresə düşəndə ​​öz dostlarını yeyir - FOTO

Dünyanın müxtəlif ölkələrindən olan tədqiqatçılar ağılları çaşdıran bir qurd növünün davranışını müşahidə ediblər.   Sfera.az bildirir ki, elmi adı A...

Bakının 5 rayonunun qaz təchizatında fasilə olacaq

Qaz təchizatı sistemində görüləcək təmir işləri ilə əlaqədar bu gün saat 10:00-dan etibarən Bakının Xəzər, Sabunçu, Binəqədi, Nəsimi və Yasamal rayonlarının bir...

Dünyanın ən qədim kitablarından biri səhranın ortasında tapıldı - FOTO

Dünyanın ən qədim kitablarından biri olan “Crosby-Schoyen Code” Londonda “Christie's” auksionunda 3.065.000 funta (təxminən 158 mily...

ABŞ bu ölkələrlə ticarəti məhdudlaşdırmaq üçün yeni sanksiyalar tətbiq etdi

ABŞ Ticarət Nazirliyi Rusiya və Belarus arasında ticarət həcmini azaltmaq məqsədi ilə ixrac məhdudiyyətlərini genişləndirib. Sfera.az xəbər verir ki, yeni ...

Bədəndə xərçəng hüceyrələrinin yayılmasına “kömək edən” gen tapıldı

Massaçusets Ümumi Xərçəng Mərkəzinin alimləri şiş hüceyrələrinin bütün bədənə yayılmasına “kömək edərək” xərçəng metastazını təşviq edən Gstt1 genin...

Müxtəlif növlərə aid nadir delfinlər okeanda bir yerdə yığıldı

Tədqiqatçılar Hind-Sakit okean donqar delfinləri (Sousa chinensis) qrupuna aid nadir, nəsli kəsilməkdə olan İrravadi delfininin (Orcaella brevirostris) şəklini ...