"Bu gün atəşkəs olacaq"- Tramp

ABŞ Prezidenti Donald Tramp bu gün Rusiya lideri Vladimir Putin və Ukrayna Prezidenti Volodimir Zelenski ilə ayrı-ayrılıqda apardığı telefon danışıqlarının Ukraynadakı müharibədə atəşkəsin əldə olunması istiqamətində irəliləyişə səbəb olacağına ümid etdiyini bildirib.

Sfera.az “Associated Press”ə istinadən xəbər verir ki, Tramp həftəsonu sosial şəbəkədə paylaşdığı açıqlamasında bazar ertəsini “məhsuldar gün” adlandıraraq, atəşkəsə nail olunacağına ümid etdiyini vurğulayıb. Onun diplomatik səylərinə NATO liderlərinə etdiyi çağırışlar da daxildir.

Tramp, 2022-ci ilin fevralında Rusiyanın Ukraynaya hücumu ilə başlayan müharibəyə son qoymaq üçün fəal təşəbbüslərlə çıxış edir. Bu açıqlamaları ilə o, prezidentlik müddətinə başlamazdan əvvəl belə münaqişəni sürətli şəkildə həll edəcəyini iddia etdiyi üçün, sülh təşəbbüsləri onun danışıqlar qabiliyyətinin və beynəlxalq nüfuzunun real sınağı kimi qiymətləndirilir.

Tramp, Putinlə şəxsi münasibətlərinə və təcrübələrinə əsaslanaraq, hazırkı böhranı danışıqlar yolu ilə həll etməyin mümkün olduğunu düşünür.

Fidan Hacızadə
Sfera.az