Rusiya daxili işlər naziri Azərbaycan səfiri ilə görüşüb - YENİLƏNİB

Rusiya daxili işlər naziri Azərbaycan səfiri ilə görüşüb - YENİLƏNİB

rusiya daxili isler naziri azerbaycan sefiri ile gorusub yenilenib

Azərbaycanın Rusiyadakı səfiri Polad Bülbüloğlu bu ölkənin daxili işlər naziri Vladimir Kolokoltsevlə görüşüb.

APA-nın Moskva müxbirinin verdiyi xəbərə görə, bu barədə Rusiya Daxili İşlər Nazirliyinin mətbuat xidməti məlumat yayıb. 

Görüş zamanı miqrasiya sahəsində qarşılıqlı fəaliyyət məsələləri müzakirə edilib.

Rusiyalı nazir son zamanlar iki ölkə arasında münasibətlərin aktivləşdiyini bildirib: "Bu münasibətlərə ötən ilin avqustunda Rusiya, Azərbaycan və İran prezidentlərinin görüşündə imzalanan deklarasiya böyük impuls verib".

V. Kolokoltsev Rusiya və Azərbaycan hüquq-mühafizə orqanlarının MDB ölkələri miqrasiya orqanları rəhbərləri Şurası və birgə əməkdaşlıq komissiyası çərçivəsində qanunsuz miqrasiya ilə mübarizədə birgə aktiv iş apardıqlarını bildirib. Onun sözlərinə görə, hazırda Azərbaycan Rusiyaya gələn insanların sayına görə, 5-6-cı yeri tutur. Rusiyalı nazir iki ölkənin daxili işlər nazirliklərinin xətti ilə əlaqələrin genişləndirilməsinin və inkişafının vacibliyini vurğulayıb. 

Səfirlikdən verilən xəbərə görə,  görüşdə səfir Polad Bülbüloğlu bildirib ki, Rusiya ilə Azərbaycan arasında olan sıx dostluq, humanitar və iqtisadi əlaqələr iki ölkənin vətəndaşlarının olduqca intensiv hərəkətinə kömək edir: "Moskva və Bakı arasında gündə yeddi aviareys həyata keçirilir. Eləcə də dəmiryolu və avtobus nəqliyyatı fəaliyyət göstərir. Burada miqrasiya qanunvericiliyinin tətbiqi məsələsi xüsusi önəm daşıyır".

Regionda və Dağıstan Respublikası ərazisindən keçən Rusiya-Azərbaycan sərhədində mövcud vəziyyəti nəzərə alaraq, səfir təhlükəsizliyin təmin olunması üçün cinayətkarlığa dair mübarizədə qarşılıqlı fəaliyyət və əməkdaşlığın vacibliyini qeyd edib.

Görüşdə ölkələrimizdən keçən tranzit yük daşımalarının təhlükəsizliyinin təmin olunmasının, miqrasiya qanunvericiliyinin yüngülləşdirilməsi və böyük yük avtomobillərinin sürücülərinin Rusiya ərazisində qalma müddətinin artırılmasının vacibliyi vurğulanıb.

 

Qeyd edək ki, görüşdə Azərbaycan DİN-in Rusiyadakı nümayəndəsi, MDB ölkələri üzrə Mütəşəkkil Cinayətkarlığa Qarşı Mübarizə Bürosunun direktor müavini, polis general-mayoru Əkbər Yusifov da iştirak edib.


OXŞAR XƏBƏRLƏR

Zaxarova: Ukraynalılar real sülh şansından məhrum olacaqlar

Rusiya Xarici İşlər Nazirliyinin rəsmi nümayəndəsi Mariya Zaxarova bildirib ki, Kiyev rejimi artıq ölkəni və onun vətəndaşlarını ifrat həddə çatdırıb.   ...

Qəbul imtahanında 700 bal toplayan Zərifə DANIŞDI - VİDEO

"İmtahan verdiyimiz gündən bəri bu günü gözləyirdim".   Sfera.az bildirir ki, bunu "Xəzər Xəbər"ə açıqlamasında qəbul imtahanında...

İlham Əliyev Milli Qurtuluş Günü ilə bağlı paylaşım etdi

​​​​​​Azərbaycan Prezidenti İlham Əliyev Milli Qurtuluş Günü münasibətilə sosial şəbəkədə paylaşım edib.   Sfera.az xəbər verir ki, dövlət başçı...

G7 liderlərindən İrana çağırış

İtaliyada keçirilən Böyük Yeddilik (G7) sammitində iştirak edən dünya liderləri İranı ballistik raketləri və müvafiq texnologiyaları Rusiyaya ötürməməyə çağırıb...

Bu şəxslər üçün parklanma pulsuz olacaq - VİDEO

“Əvvəlki yanaşma belə idi ki, işçi xidməti parklanma ərazisində boş yer tapdığı halda parklanma ödənişsiz olurdu. İndi isə, həmin ərazilər müəyyən edilir....

Azərbaycanda benzin istehsalı nə qədər artdı? - CƏDVƏL

Bu ilin yanvar-may aylarında Azərbaycanda neft məhsullarının istehsalı sahəsində istehsalın ümumi dəyəri 2155.4 mln. manat olmaqla, əvvəlki ilin müvafiq dövrü i...