"Müdafiədə üstünlüyümüzü qoruyacağıq" - Putin
Rusiya Prezidenti Vladimir Putin Hərbi-Sənaye Komissiyasının iclasında çıxışı zamanı ölkəsinin müdafiə qabiliyyətinin bir addım öndə olduğunu və bu üstünlüyün gələcəkdə də qorunacağını bildirib.
Sfera.az xarici mediaya istinadən xəbər verir ki, Putin qeyd edib ki, Rusiya Silahlı Qüvvələrinin xüsusi əməliyyatlar zamanı istifadə etdiyi taktika və texnologiyalar artıq beynəlxalq hərbi ekspertlərin diqqət mərkəzinə çevrilib. O, xüsusilə lazer kompleksləri, dəniz dronları və süni intellektə əsaslanan sistemlərə diqqət ayıraraq, bu sahələrin inkişaf etdirilməsinin vacibliyini vurğulayıb.
“Süni intellekt çox böyük imkanlar təqdim edir və biz bu cür həlləri daha fəal şəkildə həyata keçirməliyik”, – prezident bildirib.
Görüş zamanı Putin həmçinin kəşfiyyat və rabitə üçün orbitdə peyk bürcünün yaradıldığını elan edərək, bu addımın Rusiyanın hərbi sahədə texnoloji liderliyini möhkəmləndirdiyini qeyd edib.
Fidan Hacızadə
