Dünyanın ən kiçik kardiostimulyatoru hazırlandı
Amerikalı alimlər düyü dənəsindən kiçik olan və bədənə yeridilə bilən dünyanın ən kiçik kardiostimulyatorunu hazırlayıblar.
Sfera.az xarici mediaya istinadən xəbər verir ki, cəmi 1 millimetr qalınlığında və 3,5 millimetr uzunluğunda yeni hazırlanmış simsiz kardiostimulyator şprisin ucuna sığacaq qədər kiçikdir. Cihaz xəstənin sinəsinə yapışdırılmış yumşaq yamaq ilə birləşdirilir.
Yamaq nizamsız ürək döyüntülərini aşkar etdikdə, kardiostimulyatora hansı ritmin stimullaşdırılması lazım olduğunu bildirmək üçün işıq siqnalları göndərir. Alimlər gələcəkdə insanlar üzərində sınaqdan keçirilməsi planlaşdırılan naqilsiz kardiostimulyatoru “təməl qoyan ixtira” adlandırıblar.
Tədqiqatın müəllifi ABŞ-nin Şimal-Qərb Universitetinin professoru Con Rocers bildirib ki, kardiostimulyator 2-3 il ərzində insanlarda sınaqdan keçirilə bilər.
Bu innovativ cihaz tibb dünyasının digər sahələrində də inkişaflara ilham verə bilər.
Fidan Hacızadə
