Trampın 100 milyon dollarlıq təyyarəsi - FOTO
ABŞ-ın 45-ci prezidenti Donald Tramp yanvarın 20-də baş tutan inaqurasiya mərasimindən sonra rəsmən öz vəzifəsinin icrasına başlayıb.
Sfera.az qafqazinfo-ya istinadən verdiyi məlumata görə, milyarder, biznesmen Tramp bütün səfərlərdə ABŞ prezidentləri üçün şəxsən təsis edilən "Air Force One" təyyarəsinin əvəzinə özünə məxsus xüsusi təyyarəsindən istifadə edəcək.
Onun 2011-ci ildən bugünə qədər istifadə etdiyi "Boeing 757" tipli təyyarənin dəyəri 100 milyon dollardır.
Təyyarədə ilk dəfə 1991-ci ildə uçuş həyata keçirilib. 1995-ci ildə "Microsoft"un qurucusunun ortağı Paul Allenin aldığı təyyarə 15 il sonra Donald Trampın xidmətinə verilib.
Təyyarədə prezidentlə ailəsinin rahatlığı üçün bütün hər şey düşünülüb. Göyərtəsində 43 oturacaq olan təyyarədə yataq otağı, mətbəx, hamam otağı, eləcə də qonaqlar üçün də otaq var.
Qeyd olunur ki, hamam otağında kranlar qızılla işlənib.
