Trampdan mühüm açıqlama: "Sabah gecə..."
18:10 / 03.03.2025
3782
ABŞ Prezidenti Donald Tramp sabah mühüm bir açıqlama verəcəyini bildirib.
Sfera.az “CNN Türk”ə istinadən xəbər verir ki, o, "Truth Social" platformasında paylaşdığı mesajda, “Sabah gecə böyük olacaq. Olduğu kimi açıqlayacam!” sözləri ilə diqqət çəkib.
Prezidentlik dövründə gözlənilməz çıxışları ilə gündəmə gələn Tramp, Ağ Evdə keçirdiyi görüşlərdə və xarici liderlərlə olan münasibətlərində sərgilədiyi jestlər və açıqlamaları ilə də tez-tez müzakirə mövzusu olub.
Xüsusilə, Ukrayna Prezidenti Volodimir Zelenski ilə Ağ Evdə baş tutan son görüşdə yaşanan gərgin anlar beynəlxalq arenada böyük səs-küy doğurmuşdu. Trampın sabahkı açıqlamasının nə ilə bağlı olacağı isə böyük maraqla gözlənilir.
Fidan Hacızadə
