Azərbaycanda ürək transplantasiyası həyata keçiriləcək
Sağlıq
14:12 / 18.01.2017
1316
"Azərbaycanda ürək transplantasiyasının həyata keçirilməsi istiqamətində işlər aparılır və yaxın vaxtlarda ürək transplantasiyasını həyata keçirmək mümkün olacaq”.
Sfera.az xəbər verir ki, bunu Milli Məclisin Səhiyyə komitəsinin bu gün keçirilən iclasında komitə sədri Əhliman Əmiraslanov deyib.
Komitə sədri bildirib ki, Azərbaycanda belə ciddi əməliyyatın həyata keçirilməsi üçün mütəxəssislər var: "Bununla bağlı personal və texniki baxımdan heç bir problem yoxdur. Yeganə açıq qalan məsələ orqan bağışlanması ilə bağlı məsələdir ki, tezliklə bunun da həllini tapacağıq. Bütün hallarda yaxın vaxtlarda biz Azərbaycanda ürəyin transplantasiyasını həyata keçirə biləcəyik”.
