İşdən evə qayıdan kişi öz dəfn mərasiminin şahidi olub

Taylandda pul qazanmaq üçün uzaqlara gedən kişi evinə qayıdıb və gözlənilmədən özünün dəfn mərasiminin şahidi olub.


Sfera.az bildirir ki, sonradan məlum olduğu kimi, bu, polisin səhvi ucbatından baş verib, polis onu küçədə donmuş naməlum şəxslə səhv salıb.

Belə ki, Phet adlı kişi təkrar emal edilə bilən materialları sataraq pul qazanıb, buna görə də tez-tez bir neçə gün və ya daha çox iş səfərlərinə gedib. Bu dəfəki səfər həmişəkindən daha uzun sürdüyü üçün hamı onun öldüyünə inanıb.

Khon Kaen əyalət polisinin naməlum şəxsin ölümünü araşdırdığı bildirilir. Müstəntiqlər onun qonşu əyalətin Phet adlı kənd sakini olduğunu güman ediblər.
 

Meyit dərhal ekspertizaya göndərilib, mərhumun ailəsinə baş verənlər barədə məlumat verilib və dəfn üçün lazımi hazırlıqlara başlamaq tövsiyə olunub.
 

Yanvarın 20-də kişinin yaxınları vida mərasiminə hazırlaşmağa başlayıblar. Bu arada mərhumun kiçik qardaşı müayinənin nəticələrini öyrənmək üçün Khon Kaenə gedib. Ailə üzvlərinin dediyinə görə, onun kürəyində döymə olub, lakin laboratoriyada bədənində heç bir döymə tapılmayıb.


Tezliklə adam işdən evə qayıdıb və öz dəfninin keçirildiyini görüb çox təəccüblənib.
 

Nəhayət, qohumlar, dostlar, qonşular vida mərasimini şənliyə çeviriblər.

Aysel