Donald Tramp: "Barak Obamaya simpatiyam var"

ABŞ-nin yeni seçilmiş prezidenti Donald Tramp keçmiş Amerika lideri Barak Obamaya simpatiyasının olduğunu və bu hissin qarşılıqlı olduğunu istisna etməyib. 

Sfera.az xəbər verir ki, bu barədə "NBC News" yazıb.

“Nə qədər mehriban göründüyünü başa düşmədim. Dedim ki, Allah, bir-birini bəyənən iki insana oxşayır. Və bu, yəqin ki, doğrudur”, - Tramp Obama ilə Cimmi Karterin vida mərasimində bir-birinə gülümsədiklərini əks etdirən videonu şərh edərkən deyib.

Trampın sözlərinə görə, onun və Obamanın “bir az fərqli fəlsəfələri” var, lakin respublikaçıya görə, onlar anlaşa biliblər.

Yanvarın 10-da Tramp və Obama Karterlə vida mərasimi zamanı qısa söhbət ediblər .Dodaqdan oxuyan ekspert Ceremi Frimanın sözlərinə görə, respublikaçı Obamaya bəzi məsələləri müzakirə etmək üçün “sakit yer” tapmağı təklif edib.

İnci