Tramp-Putin görüşü nə vaxt reallaşacaq? - Peskov AÇIQLADI

Kreml Trampla Putin arasında mümkün görüşə reaksiya verib.

Sfera.az bildirir ki, bu barədə Rusiya liderinin mətbuat katibi Dmitri Peskov danışıb.

“Əgər Trampın vəzifəyə gəldikdən sonra ən yüksək səviyyədə təmasları bərpa etmək üçün siyasi iradəsi davam edərsə, əlbəttə ki, Prezident Putin bunu yalnız alqışlayacaq” - Kremlin sözçüsü bildirib.

Peskov xatırladıb ki, Rusiya prezidenti dəfələrlə dialoqa hazır olduğunu və bu dialoqun zəruriliyindən danışıb.

Xatırladaq ki, daha əvvəl Donald Tramp Putinlə danışıqlar aparmaq istədiyini bildirib və bunun rəsmi olaraq vəzifəyə başladıqdan sonra ilk 6 ay ərzində baş verə biləcəyini deyib. Peskovun sözlərinə görə, indiyədək Amerika tərəfdən belə əlaqə üçün heç bir müraciət olmayıb. 

Günay