"Fransa səfiri özünü səfil kimi aparır" - Siyavuş Novruzovdan İRAD

“İlham Əliyevin çıxışı, gələcək sülh müqaviləsi üçün verdiyi mesajlar hər birimiz üçün yol xəritəsidir”.

Sfera.az xəbər verir ki, bunu Milli Məclisin bugünkü plenar iclasında deputat Siyavuş Novruzov deyib.

“Bu çıxışdan sonra ayrı-ayrı dövlətlər Azərbaycana qarşı məkrli niyyətlərini yerinə yetirməyə çalışacaqlar. Bundan sonra bəzi səfirlər Azərbaycanda diplomatik yox, siyasi fəaliyyətlə məşğul olmağa, statuslar yazmağa başlayıblar. Bunlara qarşı da nazirlik tərəfindən addımlar atılır, lakin daha kəskin addımlar atılmalıdır. Fransanın səfiri özünü səfil kimi aparmağa başlayıb. Prezidentin qarşıya qoyduğu proqramı tam şəkildə yerinə yetirməliyik. Azərbaycan bu gün təhlükəsizlik adasıdır və biz bunu qorumalıyıq”, - millət vəkili bildirib.

Parlament sədri Sahibə Qafarova deputat Siyavuş Novruzovun sözlərinə dəstək verərək bildirib ki, nazirlik bu gün heç olmadığı kimi sərt cavab verir və düz də edirlər.

Firuzə Əliyeva