MDB-nin iqtisadi artım sürəti AÇIQLANDI: "Sanksiyalara baxmayaraq..." - RƏQƏMLƏR

Rusiya və Belarusa qarşı sanksiyalara, eləcə də digər üzv dövlətlərə qarşı ikinci dərəcəli məhdudiyyətlərə baxmayaraq, 2024-cü ildə MDB ölkələrinin ümumi daxili məhsulu (ÜDM) 4,7 faiz artıb.

Sfera.az TASS-a istinadən xəbər verir ki, bu barədə Rusiyanın MDB-dəki daimi nümayəndəsi Andrey Qrozova açıqlayıb.

Rusiya nümayəndəsinin sözlərinə görə, xarici təzyiqlərə baxmayaraq, əhəmiyyətli iqtisadi artım nümayiş etdirilib. Qrozov, həmçinin qeyd edib ki, bu il Rusiyanın MDB ölkələri ilə ticarət dövriyyəsi 83 milyard dollara çatıb və MDB ölkələri arasında ticarət əməliyyatları üzrə ödənişlərin 85 faizi milli valyutalarda həyata keçirilib.

Rusiya Mərkəzi Bankı ilin sonunda ölkənin iqtisadi artımını 4 faizdən çox qiymətləndirib.

Qeyd edək ki, MDB-yə 10 ölkə üzvdür. Üzv ölkələrdən biri olan Azərbaycanda bu il 4 faizdən çox iqtisadi artım gözlənilir.

Vasif

Sfera.az