Əfsanəvi kəşfiyyatçının atası vəfat etdi - FOTO
Əfsanəvi kəşfiyyatçı şəhid Şahlar Nəzərovun atası Yaşar Nəzərov noyabrın 27-sində, Bakıda müalicə aldığı kıinikada dünyasını dəyişib.
Sfera.az bildirir ki, son aylarda Yaşar Nəzərovun səhhətində yaranmış problemlərlə əlaqədar bir sıra tibb müəssisələrində müalicə alıb, həmçinin əməliyyat olunub. yaranıb. Növbəti dəfə ürəyində yaranan problemləri isə aradan qaldırmaq mümkün olmayıb.
Xatırladaq ki, baş leytenant Şahlar Yaşar oğlu Nəzərov 2017-ci ilin fevralın 24-dən 25-nə keçən gecə cəbhə xəttində ermənilərin Füzuli-Xocavənd istiqamətində təxribat cəhdlərinin qarşısını alarkən daha dörd hərbçi yoldaşı ilə birlikdə qəhrəmancasına şəhid olmuşdu. Şəhid olduqdan iki ay sonra zabitimizin əkiz oğulları - Yaşar və Şahlar dünyaya gəlmişdi. Şəhid Ş.Nəzərov doğulduğu Peştəsər kəndində dəfn edilib. Dünyasını dəyişən Yaşar kişi də doğma kəndində, qəhrəman oğlunun uyuduğu torpaqda dəfn ediləcək.
Allah hər ikisinə rəhmət eləsin.
