Girənlərin heç vaxt çıxa bilmədiyi nəhəng Terrorla Mübarizə Mərkəzi -CECOT həbsxanası

YouTuber Alper Rendenin “CECOT”a səfərindən sonra “YouTube”da trendə çevrilən həbsxana dünyanın ən böyük həbsxanalarından biri kimi tanınır. İçəridə baş verənləri və onun ölkəyə təsirlərini öyrəndikdə isə buranın niyə bu qədər mübahisəli olduğunu daha yaxşı anlayacaqsınız. 

Sfera.az bildirir ki, kütləvi strukturu ilə CECOT xüsusi olaraq El Salvadorun keçmiş dəstə liderlərini, qatillərini və narkotik satıcılarını həbsdə saxlamaq üçün nəzərdə tutulmuşdu. Antiterror mərkəzi cəmiyyətdən tamamilə təcrid olunub. Gəlin, birlikdə araşdıraq. 

Onun böyük salonlarında və qat-qat düzülmüş dəmir barmaqlıqların arxasında cəmiyyət üçün təhlükə yaradan minlərlə kişi var.

Əvvəllər şəhərlərə, küçələrə nəzarət edən bu adamlar indi bura da tamamilə təcrid olunmuş halda günlərini keçirirlər.

Burada məhbuslar sadə ağ köynək və şort geyinir, başları qırxılır, bəziləri isə tamamilə döymə ilə örtülür.

“CECOT”un daxili dizaynı ciddi təhlükəsizlik qaydaları ilə həbsxanadan kənarda distopiya hissi yaradır. Hər birində 80-ə qədər məhbus yerləşə bilən qrup kameralarında çarpayı, yastıq və ya yorğan yoxdur.

Açıq tualetdən, yuyunmaq üçün beton hövzədən və içməli su üçün böyük disspenserdən başqa heç bir rahatlıq elementi yoxdur.

Məhkumlar bu kameralarda gündə 23,5 saat qalır, yalnız qrup məşqləri və ya dini tədbirlər üçün yarım saat buraxılırlar. Kameralara kitab, oyun kartları və ya kənardan məktublar yazmaq qadağandır.

Onu da qeyd edək ki, məhbusların yaxınlarına da onlara baş çəkməyə icazə verilmir.

Sadə yeməklər gündə üç dəfə; əsasən lobya, pendir və qarğıdalı əsaslı içkilər verilir. Ət və ya xüsusi menyular qətiyyən yoxdur.

CECOT-un açılışı ilə El Salvador keçmişin təhlükəli dəstə fəaliyyətlərindən azad bir həyata qovuşub.

Məhəllələrdə patrul edən əsgərlər və polislər küçələrin yenidən təhlükəsiz olmasını təmin edirlər. Əvvəllər küçələrdə gəzmək təhlükəli idisə, bu gün insanlar təhlükəsiz şəkildə işə gedə bilirlər.

Ancaq bu dəyişikliyin baha başa gəldiyi açıq-aşkardır. Dəstələrin aradan qaldırılması üçün sərt tədbirlər görən hökumət insan haqları tənqidi ilə üzləşib.

Xanım