COP29 çərçivəsində nazirlərin dəyirmi masası keçiriləcək
Noyabrın 20-də COP29 çərçivəsində keçiriləcək “Dayanıqlı, rəqəmsal Orta Dəhliz və onun hüdudlarından kənar” mövzusunda nazirlərin dəyirmi masasında Orta Dəhliz və digər beynəlxalq nəqliyyat marşrutlarında davamlılığı, rəqəmsallaşmanı təşviq etmək üçün bu istiqamətdə son nailiyyətlər, təşəbbüslər müzakirə olunacaq.
Sfera.az xəbər verir ki, tədbir dayanıqlı və etibarlı nəqliyyat şəbəkələrinin inkişafı ilə bağlı ətraflı müzakirə aparmaq üçün yüksəksəviyyəli platforma rolunu oynayacaq.
Dəyirmi masa maraqlı tərəfləri Orta Dəhlizin davamlı, səmərəli və rəqəmsal nəqliyyat marşrutu kimi inkişafı üçün əməkdaşlığa təşviq edəcək.
Tədbir iqlim fəaliyyətinin yaxşılaşdırılması üçün regional əməkdaşlığın gücləndirilməsinə dəstək verəcək.
Dəyirmi masanın nəticələrindən dayanıqlı və rəqəmsal nəqliyyat dəhlizləri ilə bağlı gələcək regional dialoqların formalaşdırılmasında istifadə olunacaq.
