Alimlər: Döymənin silinməsi xərçəng yarada bilər

Tatuajın lazerlə silinməsi kanserogen (xərçəng törədən) maddələrin əmələ gəlməsi ilə nəticələnə bilər.

Sfera.az xəbər verir ki, bu barədə Flinders Universitetinin saytında məlumat verilib.

Tatuajın lazerlə silinməsi ilə bağlı araşdırmada 50 nəfər iştirak edib. Təhlil göstərib ki, döymənin silinməsi zamanı mürəkkəbdən zəhərli birləşmələr ayrılıb.

"Biz DNT-yə zərər verdiyi, məhsuldarlığa təsir etdiyi və hətta xərçəngə səbəb olduğu bilinən kimyəvi maddələri müəyyən etdik",- alimlər bildirib.

Hələlik alimlər aşkar edilən maddələrin insan sağlamlığına necə təsir etdiyini dəqiq bilmirlər. İndi onlar bu birləşmələrin qan dövranına daxil olub-olmadığını qiymətləndirməyi planlaşdırırlar. Bunun üçün onlar növbəti könüllülər qrupunda qan analizi aparacaqlar.

Müəlliflər qeyd ediblər ki, “Biz lazer döyməsinin silinməsinin təhlükəsizliyi, xüsusən də böyrəklər və qanı süzən digər orqanlar üçün daha çox öyrənməliyik”.

İnci