Sabunçuda daha bir yeniyetmə ÖLDÜRÜLDÜ

Paytaxtın Sabunçu rayonu ərazisində 2008-ci il təvəllüdlü H.Quliyev kəsici alətlə qətlə yetirilib.

Sfera.az xəbər verir ki, bu barədə DİN-in Mətbuat Xidməti məlumat yayıb. 

Bildirilib ki, hadisə bu gün saat 14 radələrində qeydə alınıb. Belə ki, polis əməkdaşlarının keçirdikləri tədbirlərlə cinayət əməlini törətməkdə şübhəli bilinən onun həmyaşıdı Y. Mirzəyev saxlanılıb.

Araşdırma aparılır.

Qeyd edək ki, bu, gün ərzində rayon ərazisində qeydə alınan ikinci belə haldır. Belə ki, səhər saatlarında da Sabunçu rayonu ərazisində yeniyetmələr arasında mübahisə qanla bitib.