"Ukrayna NATO-ya üzv olmadan davamlı təhlükəsizlik ola bilməz" - Stoltenberq

Ukraynada sülhün əldə edilməsi paradoksal olaraq Kiyevə verilən silahların miqdarından asılıdır.

Sfera.az xarici KİV-ə istinadən xəbər verir ki, bunu NATO-nun Baş katibi Yens Stoltenberq vəzifəsini tərk etməzdən əvvəl vida nitqində deyib.

Stoltenberq qeyd edib ki, sülh danışıqları Rusiyanın iştirakı ilə aparılmalıdır:

"Hərbi güc dialoq üçün zəruri şərtdir. Nə qədər çətin olsa da, qonşularımızla danışmalıyıq. Lakin dialoq yalnız güclü müdafiə ilə dəstəklənəndə işləyir. Ukraynaya daha çox silah verməklə biz Putinə istədiyini güclə əldə edə bilməyəcəyini başa sala bilərik. Beləliklə, o, Ukraynanın suveren ölkə kimi yaşamaq hüququ olduğunu qəbul etməli olacaq”. 

Alyansın səlahiyyət müddətini başa vuran Baş katibin fikrincə, hər hansı gələcək saziş davamlı sülhün təmin edilməsi üçün Ukraynanın güclü hərbi dəstəyi və etibarlı təhlükəsizlik təminatları ilə dəstəklənməlidir.

Stoltenberq həmçinin qeyd edib ki, sabit Ukrayna olmadan Avropada davamlı təhlükəsizlik ola bilməz, Ukrayna NATO-ya üzv olmadan isə davamlı təhlükəsizlik ola bilməz:

"NATO-nun qapıları açıqdır və Ukrayna da ona qoşulacaq”.

Firuzə Əliyeva