Ayı sirk zamanı təlimçiyə hücum etdi - FOTO
Adı Ponçik olan ayı Rusiyada yüzlərlə uşaq və böyüklərin gözü qarşısında təlimçiyə hücum edib.
Sfera.az bildirir ki, hadisə “Biysk” sirkində baş verib. Təşvişə düşən tamaşaçılar səhnədə baş verənlərə dəhşət içində baxıblar. Ayı 48 yaşlı Sergey Priçiniçə hücum edərək onu yerə yıxıb. 35 kiloqram çəkisi olan ayı əlində tutduğu çubuğu çeynəyərkən həmin şəxs qaçmağa çalışıb. Hadisənin videosu “Telegram” kanallarında da yayımlanıb.
Şlaqbaumun arxasında dayanan başqa bir sirk əməkdaşı diqqəti yayındıraraq yırtıcını itələyib. Bundan sonra ayı nəhayət təlimçinin ayağa qalxmasına imkan verəcək qədər uzaqlaşıb.
Artıq sirk rəhbərliyi də hadisəyə münasibət bildirib.
Bildirilir ki, hadisə məşqçi üçün ölümlə nəticələnə bilərdi, lakin o, sağ qalıb və heç bir xəsarət almayıb.
"Hərəkətin sonunda ayı Sergeyə hücum etdi və onunla döyüşməyə başladı. Təlimçi xüsusi müqavimət göstərmədi və sakitləşənə qədər gözlədi. Daha sonra ayağa qalxdı və hərəkətə davam etdi,vəssalam” - deyə sirkin nümayəndəsi Nikita Mixaylov bildirib.
Onun sözlərinə görə, heyvanlar öz etirazlarını və ya digər emosiyalarını ifadə etmək üçün fərqli davrana bilərlər və hər bir məşqçi bunu başa düşür.
Heyvanların hüquqlarının müdafiəçisi Yuri Koretskix öz növbəsində sirklərdə heyvanlardan istifadənin köhnəlmiş təcrübəsini qadağan etməyə çağırır.
“Dünya sirklərdə heyvanların istifadəsini qadağan etməklə sürətlə doğru irəlilədiyi halda, biz Rusiyada insanlar öz kommersiya maraqlarını müdafiə edərək tərəqqiyə fəal müqavimət göstərir”.
Aynil
Sfera.az
