İran parlamenti avqustun 21-də yeni hökumətin tərkibini rəsmən təsdiqləyib.

Sfera.az xəbər verir ki, Abbas Əraqçı ölkənin xarici işlər naziri təyin edilib. 

Əziz Nəsirzadə İranın müdafiə naziri, İsgəndər Momeni Daxili İşlər Nazirliyinin rəhbəri, İsmayıl Xətib isə kəşfiyyat naziri olub.

Nəsirzadə briqada generalıdır. O, Baş Qərargah rəisinin müavini və Hərbi Hava Qüvvələrinin komandanı olub.

Momeni SEPAH-da xidmət edib, prezidentin müşaviri və Narkotiklərlə Mübarizə Baş Qərargahının baş katibi vəzifələrində çalışıb. 

Xətib İran kəşfiyyatına rəhbərlik edib və Qum şəhərində Kəşfiyyat Nazirliyinin regional şöbəsinin rəisi vəzifəsində çalışıb. O, İranın ali dini lideri Ayətullah Əli Xameneinin ən yaxın müttəfiqlərindən biridir.