Ərdoğan: Türkiyənin Aİ-yə üzvlüyünü əngəlləmək üçün heç bir ağlabatan səbəb yoxdur

Türkiyə Prezidenti Rəcəb Tayyib Ərdoğan Budapeştdə keçirilən siyasi ictimaiyyətin sammiti çərçivəsində bildirib ki, Türkiyənin uzun illərdir ki, Avropa Birliyinə üzvlüyünə əngəl törədilməsinin əsaslı izahı yoxdur.
 

Sfera.az xəbər verir ki, bu barədə "Anadolu" agentliyi məlumat yayıb.
 

Türkiyə kimi qitənin rifahı və təhlükəsizliyinə mühüm töhfə verən namizəd ölkənin Aİ-yə üzvlük prosesini uzun illər əngəlləməsinin ağlabatan izahı yoxdur”, - deyə o, qeyd edib.
 

Ərdoğan onu da bildirib ki, Avropada sülh və təhlükəsizliyi təmin etmək üçün qitə ölkələrinin müdafiə səylərinə Türkiyəni tam şəkildə daxil etmək lazımdır.
 

Daha əvvəl o, BRİKS-i Aİ və NATO-ya alternativ hesab etmədiyini, lakin ölkənin assosiasiyaya üzv ölkələrlə əlaqələri inkişaf etdirməyə hazır olduğunu vurğulayıb.

İnci