Pakistanın səhiyyə rəsmiləri ölkədə ilk “mpox 1” və ya meymun çiçəyi xəstəliyinin yeni formasının qeydə alındığını təsdiqləyiblər.
 

Sfera.az xəbər verir ki, hesabatda səpgilərə səbəb olan virusun mutant formasının hazırda Afrikada sürətlə yayıldığı və yoluxanların təxminən 10%-ni öldürdüyü bildirilir.


Pakistan, bildirilən üç hadisənin eyni növdən olub-olmamasının və virusun haradan gəldiyinin hələ aydın olmadığını bildirib. Qeyd edək ki, ötən gün də İsveçdə yeni mpox ştammı olan ilk xəstə haqqında yeni təfərrüatlar məlum olub.
 

Xəstələrdən birinin nümunələrinin təsdiqlənməsi üçün paytaxt İslamabaddakı Milli Sağlamlıq İnstitutuna göndərildiyi bildirilir. Hər üç xəstə karantindədir.
 

Jurnalistlərin sözlərinə görə, köhnə versiyaların hələ də yayıldığını nəzərə alsaq, yeni mpox ştammının nə qədər yoluxma və ölüm faktı olduğu hələlik dəqiq bilinmir.
 

İsveçin ictimai səhiyyə agentliyinin baş direktoru Olivia Wigzell, ölkədə ilk mpox-1b ştammının xəstəliyin əsas epidemiyasının olduğu Afrikanın bir hissəsindən yayıldığını bildirib.
 

İsveçin dövlət epidemioloqu Maqnus Gisslen xəstəyə tibbi yardım göstərildiyini qeyd etsə də, onun vəziyyəti ilə bağlı əlavə məlumat verməyib.


Qeyd edək ki, yeni mpox ştammı ilə yoluxma halları Konqo Demokratik Respublikasında (DRC) cəmləşib. Afrikada bu il 17,000-dən çox yoluxma halı və 571 ölüm hadisəsi qeydə alınıb ki, bu da keçən ilin eyni dövrü ilə müqayisədə 160% çoxdur.
 

“Meymun çiçəyi" kimi də tanınan mpox, dəridən dəriyə təmas yolu ilə insandan insana keçir. Bundan əlavə, infeksiya cinsi əlaqə zamanı, hətta dəsmal və ya yataq dəstini paylaşmaqla da mümkündür. Xəstəlik xarakterik simptomlara, həmçinin qızdırma, ağrı və yorğunluğa səbəb olur.

Aysel

Sfera.az