Fransa Prezidenti Emmanuel Makron sentyabrın 21-də Ermənistana səfər edəcək.

Sfera.az xəbər verir ki, bu barədə Ermənistanın “Joğovurd” qəzeti Fransadakı erməni icmasına istinadən məlumat yayıb.

Qəzet onu da yazıb ki, hazırda Ermənistanın Müstəqillik Gününə təsadüf edən səfərin detalları müzakirə olunur.

Qeyd edək ki, Ermənistanın Baş naziri Nikol Paşinyan fevralın 21-də Makronu ölkəsinə dəvət edib.