Sverdlovsk Məhkəməsi 2022-ci ilin fevralında Ukraynanın “Razom” fonduna 51,8 dollar köçürən ABŞ vətəndaşı Kseniya Karelinanı 14 il həbs cəzasına məhkum edib. Bu barədə Rusiyanın “Astra” nəşri məlumat yayıb.
 

Sfera.az bildirir ki, Kseniya Karelina müharibənin üçüncü günündə fonda ianə edib. ABŞ-da yaşayan qız, 2024-cü ilin yanvarında qohumlarını ziyarət etmək üçün Yekaterinburqa gəlib və burada Federal Təhlükəsizlik Xidməti tərəfindən saxlanılıb.
 

Sverdlovsk vilayət məhkəməsi Kseniya Karelinanı (Xavana) dövlətə xəyanətdə təqsirli bilərək, cəzasını ümumi rejimli koloniyada çəkməklə 14 il müddətinə azadlıqdan məhrum edib.

Karelina humanitar məsələlərlə, xüsusən də uşaqlara yardımla məşğul olan Ukrayna fonduna ianə edib.

Qız məhkəmədə günahını etiraf edib.
 

Jurnalistlərin sözlərinə görə, Kseniya Karelina 2015-ci ildə ABŞ-a köçüb, 2021-ci ildə isə Amerika vətəndaşlığı alıb.

2024-cü ilin yanvarında o, yaxınlarını ziyarət etmək üçün Yekaterinburqa gəlib və orada Rusiya Federasiyası Federal Təhlükəsizlik Xidmətinin əməkdaşları tərəfindən saxlanılıb.
 

“Razom for Ukraine” fondu haqqında
 

“Razom for Ukraine” Fondu 2014-cü ildə yaradılıb. Onun fəaliyyəti qısamüddətli və uzunmüddətli layihələr yaratmaq və Ukraynaya kömək edən müxtəlif təşkilatlarla mövcud layihələrdə əməkdaşlıq etməkdən ibarətdir. Belə layihələrə aşağıdakılar daxildir:

Ukraynalılara humanitar yardım göstərmək;

Cəbhə xəttində xilasedicilərə və həkimlərə kömək göstərilməsi;

Həssas əhali qruplarına yardım göstərən Ukrayna ictimai təşkilatlarına sərmayə qoymaq;

Ukraynalılara xidmət etmək üçün müasir səhiyyə sisteminin təkmilləşdirilməsi.
 

Təşkilat Amerika və Ukraynada könüllülərdən ibarət icma yaradıb.

Aysel

Sfera.az