Qətər əmirinin gəlininin Fransada 11 ədəd lüks çantası oğurlanıb
Qətər əmirinin adı açıqlanmayan gəlinindən 11 ədəd dəbdəbəli lüks “Hermes” brendinin çantaları oğurlanıb.
Sfera.az xəbər verir ki, insident iyulun 27-də Nitsadan Parisə gedən sürət qatarında baş verib.
İstintaq tədbirlərinin həyata keçirilməsi üçün qatar dayandırılaraq təxminən 20 dəqiqə dəmiryol vağzalında saxlanılıb. Lakin cinayətkarlar tutulmayıb və oğurlanmış çantalar tapılmayıb.
Qadının ev qulluqçusunun müşayiəti ilə şənbə günü, iyulun 27-də Kann stansiyasında TGV qatarına mindiyi məlum olub. Nitsadan gələn qatar Parisdəki Gare de Lyona çatmalı idi. Gəlin saat 12:00-13:40 arasında “Hermes” markalı 11 dəbdəbəli çantanın oğurlandığını görüb. Jurnalistlərin məlumatına görə, əmirin gəlini 2024-cü il Olimpiadası üçün Fransa paytaxtına gedirmiş. Onun baqajında çox qiymətli şəxsi əşyalar olub. Oğurlanmış çantaların dəyəri açıqlanmayıb.
Əlavə araşdırma Tulon Milli Polis Bölgəsinə (CPN) həvalə edilib. SNCF dəmir yolu şirkətinin nümayəndələri oğurluq hadisəsi ilə bağlı açıqlama verməyiblər və bildiriblər ki, səyahətçi öz baqajına nəzarət üçün tam məsuliyyət daşıyır.
Aynil
Sfera.az
