İtən turist 12 gün sonra tapıldı - FOTO
Böyük Britaniyadan olan 26 yaşlı Ben Ross İspaniyanın Mayorka adasına gedib. Burada o, itkin düşüb və 12 gün sonra sağ-salamat tapılıb.
Sfera.az bildirir ki, Ben Ross adlı britaniyalı hüquq təhsilinə ara verərək məşhur İspaniya kurortuna gedib.
İyulun 10-da o, bir sıra xoşagəlməz hadisələrdən sonra əlaqəni kəsib. O, ev oğurluğundan və qonşularla mübahisə etdikdən sonra ünsiyyətini kəsib. Turist anasına yazdığı son məktubunda çimərlikdə baş verən soyğunçuluq və qonşularla mübahisə zəminində psixi vəziyyətinin pisləşməsindən şikayətlənib.
Narahat olan ana Feliks Robinson oğlunu tapmaq üçün İspaniyaya uçub. Bir ailə dostu axtarışda kömək etmək üçün pul yığımı təşkil edib. İyulun 22-də qadın Britaniya konsulluğunda oğlu ilə görüşüb. İndi oğlan susuzluqdan və yorğunluqdan müalicə olunduqdan sonra evə qayıtmağı planlaşdırır.
"Aldığımız bütün kömək və dəstəyə görə inanılmaz dərəcədə minnətdaram. Hər kəs həqiqətən inanılmaz idi. Biz onu tapdığımıza görə çox şadıq və indi bütün diqqətimizi onu evə təhlükəsiz çatdırmağa yönəltmişik" - deyə ana bildirib.
Daha sonra polis müəyyən edib ki, turist çimərlikdə olarkən oğrular onun çantasını, içərisində şəxsiyyət vəsiqəsi, telefonu, pul kisəsi, iPad və kirayə götürdüyü mənzilin açarlarını oğurlayıblar. Ross oğurluq barədə məlumat verib, gecə gec saatlarında evə qayıdıb. Oğlan açarı olmadığına görə qapını sındırmaq qərarına gəlib. Bu da qonşularla münaqişəyə səbəb olub. Hər kəs yatdığı üçün narazılıq edib. Bu hadisədən sonra oğlan naməlum ünvandan anasına göndərilən sonuncu məktub istisna olmaqla, mənzildə görünməyib və heç kimlə əlaqə saxlamayıb. 12 gün ərzində oğlanın harada olduğu məlum deyil.
"O, hər şeyi anlayışla qarşılasa da, bir sıra bədbəxt hadisələr onu əsəb böhranına sürükləyib. O, gözəl oğlandır, hər kəs üçün əlindən gələn hər şeyi edəndir. Son dərəcə nəzakətlidir və ehtiyacı olan birinin yanından heç vaxt sakit keçməz. Bir neçə dəfə bu ona problemlər yaradıb. İllər əvvəl bu xarakteri onun dərslərinə də təsir etmişdi. İndi isə bu hadisə… Hər şeyin necə başladığını bilmirik" - deyə anası əlavə edib.
Aysel
Sfera.az
