Şuşa Dövlət Peşə Təhsil Mərkəzində bu ixtisaslar TƏDRİS OLUNACAQ
Şuşada 2026-cı ildən peşə təhsili müəssisəsinə tələbələrin qəbulunun aparılması planlaşdırılır.
Sfera.az xəbər verir ki, bunu Peşə Təhsili üzrə Dövlət Agentliyinin direktoru Ceyhun Kərəmov bu gün keçirilən brifinqdə deyib.
O bildirib ki, 400 tələbə tutumlu Şuşa Dövlət Peşə Təhsil Mərkəzi 12 emalatxana, 86 yerlik yataqxanadan ibarətdir. 850 yerlik Füzuli Dövlət Peşə Təhsil Mərkəzinin isə 34 emalatxanası və 100 yerlik yataqxanası var.
Direktor qeyd edib ki, Azərbaycanda ilk dəfə Şuşa Dövlət Peşə Təhsil Mərkəzində üç yeni ixtisas tədris olunacaq:
"Həmin ixtisaslara daş memarlıq abidələrinin bərpaçısı, bədii tikmə ustası, musiqi alətlərinin ustası aiddir. Proqramların hazırlanması istiqamətində işlər görülür".
C Kərəmov əlavə edib ki, hazırda Qubadlı, Zəngilan, Ağdam və Şuşada peşə mərkəzləri ilə bağlı layihələndirmə işləri gedir.
Firuzə Əliyeva
