ABŞ bankı Rusiya və Ukraynaya 7,5 milyon dollar ödəyəcək
ABŞ-də yerləşən “State Street” Bankı 2016-2020-ci illərdə Rusiya və Ukrayna ilə bağlı sanksiyaların aşkar pozuntularına görə 7,5 milyon dollar ödəyəcək.
Sfera.az xəbər verir ki, bu barədə ABŞ Maliyyə Nazirliyinin Xarici Aktivlərə Nəzarət Ofisi (OFAC) bəyanat yayıb.
Sənədə əsasən, maliyyə institutu və onun törəmə şirkəti “Charles River Systems” OFAC-ın Ukrayna və Rusiya ilə əlaqəli Sanksiya Qaydalarının aşkar pozuntularına görə potensial mülki məsuliyyətlərini həll etmək üçün 7,452,501 dollar ödəməyə razılaşıb. Açıqlamada qeyd olunur ki, sözügedən hadisə sanksiyaların əhatə olunduğu bildirilən bankın müştəriləri üçün hesab-fakturaların yenidən salınması və ya yenidən rəsmiləşdirilməsi ilə bağlı ən azı 38 hadisədir.
"2016-2020-ci illər arasında 38 aşkar pozuntu baş verib və bu, ümumilikdə təxminən 1.270.456 ABŞ dolları məbləğində fakturalarla bağlı olub",- OFAC bildirib.
Sənədə görə, hesablaşma məbləği OFAC-ın aşkar pozuntuların kobud olduğuna və könüllü şəkildə açıqlanmadığına dair qərarını əks etdirir.
“”State Street” OFAC-ın təhqiqatı ilə əməkdaşlıq edib və düzəliş tədbirləri həyata keçirib”,- bəyanatda deyilir.
Firuzə Əliyeva
