İlon Maskdan Donald Trampa JEST

Amerikalı milyarder sahibkar İlon Mask ABŞ-nin keçmiş prezidenti Donald Trampı cari prezident seçkilərində dəstəkləyən siyasi fəaliyyət komitəsinə ianə edib.

Sfera.az bu barədə “Bloomberg”ə istinadən xəbər verir.

Bildirilib ki, Maskın nə qədər verdiyi bəlli deyil, lakin insanlar bu rəqəmi böyük bir məbləğ kimi xarakterizə edirlər.

“New York Times”ın daha əvvəl yazdığına görə, Mask bu illər ərzində hər iki partiyanın namizədlərinə ianə edib. Onun ianələri illər ərzində Demokratlar və Respublikaçılar arasında kifayət qədər bərabər şəkildə bölünüb.

Qeyd edək ki, ABŞ-də prezident seçkiləri noyabrın 5-də keçiriləcək. Tramp artıq Respublikaçılar Partiyasından prezidentliyə namizədliyini təmin edib. İkinci müddətə prezident olmaq istəyən ABŞ-nin hazırkı Prezidenti Co Bayden Demokratlar Partiyasından namizəd olmaq üçün kifayət qədər səs qazanıb. Həm Respublikaçılar, həm də Demokratlar prezidentliyə namizədlərini yayda keçiriləcək partiya qurultaylarında seçəcəklər.

Firuzə Əliyeva