Putin Qazaxıstanda səfərdədir - ŞƏT-in iclasında İŞTİRAK EDƏCƏK
Rusiya Prezidenti Vladimir Putin Qazaxıstanın paytaxtı Astanaya səfər edib.
Sfera.az bildirir ki, o, Şanxay Əməkdaşlıq Təşkilatının (ŞƏT) Dövlət Başçıları Şurasının iclasında iştirak edəcək. Putini hava limanında Qazaxıstan Baş naziri Oljas Bektenov qarşılayıb.
Səfər çərçivəsində Rusiya dövlət başçısı həmçinin Çin, Türkiyə və Azərbaycan liderləri ilə bir sıra ikitərəfli danışıqlar aparacaq. Qazaxıstana həmçinin ŞƏT-in Baş katibi Zhang Minq və BMT-nin baş katibi Antonio Quterreş də gəlib.
Qeyd edək ki, ŞƏT sammiti iyulun 3-4-də Astanada Müstəqillik Sarayında keçiriləcək.
Xatırladaq ki, Şanxay Əməkdaşlıq Təşkilatı (ŞƏT) 2001-ci il iyunun 15-də Şanxayda yaradılıb. Bura əvvəlcə altı ölkə - Rusiya, Qazaxıstan, Qırğızıstan, Çin, Tacikistan və Özbəkistan daxil idi. Hindistan və Pakistan 2017-ci ildə, İran isə 2023-cü ildə təşkilata qoşulub. Belarusun təşkilata daxil olma prosesinin yaxın vaxtlarda başa çatacağı gözlənilir.
Günay
