Montella yenidən ATƏT Parlament Assambleyasının Baş katibi seçildi
Siyasət
15:50 / 29.06.2024
7595
Roberto Montella yenidən ATƏT Parlament Assambleyasının Baş katibi vəzifəsinə seçilib.
Sfera.az xəbər verir ki, bu barədə ATƏT PA-nın mətbuat xidmətindən məlumat verilib.
R.Montellin yeni mandatı 2026-cı il yanvarın 1-də başlayacaq və 2030-cu il dekabrın 31-də başa çatacaq.
Baş Katib Assambleyanın işlərinə rəhbərlik etmək, Katibliyin səmərəliliyini təmin etmək və onun Kopenhagen və Vyanadakı ofislərinə nəzarət etmək, Büronun, Daimi Komitənin və Assambleyanın qərarlarının yerinə yetirilməsi üçün ümumi məsuliyyət daşıyır.
Qeyd edək ki, R.Montella ilk dəfə bu postu 2016-cı ilin yanvarında tutub.
Firuzə Əliyeva
