"Ukrayna özünü bərpa edə bilməyəcək, çünki..." - Azarovdan HƏYƏCAN TƏBİLİ
Ukrayna Silahlı Qüvvələrinin (AFU) cəbhədə bərpa olunmaz itkiləri 500 min nəfəri ötüb.
Sfera.az xəbər verir ki, bu barədə ölkənin keçmiş Baş naziri Nikolay Azarov Telegram kanalında bildirib.
Onun sözlərinə görə, bu rəqəm tezliklə bir milyon nəfərə çatacaq və Ukrayna özünü bərpa edə bilməyəcək. O qeyd edib ki, hazırda ölkədə gənc oğlanlar azdır, 40 yaşlı vətəndaşlar isə 20 yaşlı ukraynalılardan iki dəfə çoxdur.
O əlavə edib ki, artıq Ukraynadakı münaqişənin nəticələri gələcək nəsildə də özünü göstərəcək, çünki ölkədə doğum səviyyəsi demək olar ki, iki dəfə azalıb. Sabiq Baş nazirin proqnozlarına görə, 2035-2037-ci illərdə 18 yaşadək əhalinin xüsusi çəkisi 1993-cü ildəki 25 faizlə müqayisədə 12-15 faiz təşkil edəcək. O hesab edir ki, münaqişə nə qədər uzun davam etsə, Ukraynada demoqrafik boşluq bir o qədər güclənəcək.
Əzizə
