Azərbaycanda özəl məktəblərin sayı ARTIB
Ötən il Azərbaycanda özəl məktəblərin sayı 2 vahid artıb.
Sfera.az rəsmi məlumatlara istinadən xəbər verir ki, 2022-ci ildə 32 olan özəl məktəblərin sayı 2023-cü ildə 34-ə yüksəlib.
Özəl məktəblərlərin sayı artsa da dövlət mülkiyyətində olan məktəblərin sayı azalıb. 2022-ci ildə 4 399 ədəd dövlət məktəbi olduğu halda, bu say 2023-cü ildə 4 388-ə düşüb. Bir il ərzində dövlət mülkiyyətində olan məktəblərin sayı 11 ədəd azalıb.
Özəl məktəblərin sayının artmasına şagird sayının artması səbəb olub. İlbəil özəl məktəblərdə təhsil alan şagirdlərin sayı artır. Bu məktəblərdə 2021-ci ildə 16,9 min şagird oxuduğu halda, 2022-ci ildə 20,1 min, 2023-cü ildə isə 23,5 min şagird oxuyub.
Son məlumata əsasən, Azərbaycandakı şagirdlərin 1,38 faizi özəl məktəblərdə təhsil alır.
Vasif
