Üz transplantasiyası keçirən adama itlərinin reaksiyası - VİDEO

ABŞ-dan olan 24 yaşlı Co DiMeo 2020-ci ildə üz və əl transplantasiyası üçün ümumilikdə 23 saatlıq cərrahi əməliyyat keçirib. Buna səbəb isə daha əvvəl Co DiMeonun dəhşətli avtomobil qəzasına düşərək, bədəninin 80%-nin üçüncü dərəcəli yanıq xəsarətləri alması olub.

Qəzadan sonra ilk bir neçə il ərzində Co DiMeo hamıdan, hər şeydən qaçıb. O, valideynlərinin evində gizlənirdi. Lakin bir gün risk etmək qərarına gəlib və kömək üçün plastik cərraha müraciət edib. Beləliklə, Co DiMeo üz transplantasiyası əməliyyatı keçirib.

Sfera.az bildirir ki, bu yaxınlarda Co “TikTok”da izləyicilərinə itlərin onun yeni görünüşünə necə reaksiya verdiyini göstərib. 

Conun indi tamamilə fərqli üzü və əlləri olmasına baxmayaraq, onun itləri Buster və Kirkland heç bir problem olmadan sahibini tanıyıblar.

Co DiMeo: "Buster qəzadan və transplantasiyadan sonra yanıqlarımı gördü. Transplantasiya ediləndə valideynlərim onu ​​xəstəxanaya gətirdilər. O, düz üstümə qaçdı. Çoxlu və öyrəşmədiyi yada adamlar olmasına baxmayaraq, yanımdan ayrılmadı”.

Oğlanın 32 yaşlı sevgilisi Cessika Kobe onunla hələ tibb bacısı məktəbində tələbə olarkən, tanış olub. O, Coya çox böyük dəstək olub. Əvvəlcə sosial şəbəkələrdə yazışan cütlük daha sonra görüşməyə və birlikdə yaşamağa başlayıb.

Yeri gəlmişkən, qəzadan sonra ilk bir neçə il ərzində Co özünü bütün ətrafdan təcrid edərək valideynlərinin evində gizlənib, lakin bir gün risk etmək qərarına gələrək, son dərəcə çətin bir əməliyyat keçirməyə razı olub. 47 yaşlı naməlum donorun üzü ona köçürülüb.

Co müntəzəm olaraq sosial mediada inanılmaz hekayəsini paylaşır, lakin tez-tez trollar tərəfindən edənlərin hədəfinə çevrilir. Onlar Conu sevgilisi Cessikanı əldə etməyə çalışan “ovçu” adlandırılır. 

İndi Co qolf, həmçinin bilyard oynayır, ştanq qaldırır və hətta yenidən sükan arxasına keçməyi düşünür. Bundan əlavə, öz kitabı üzərində işləyir. Kitabda o, həyatındakı bütün nailiyyətləri və uğursuzluqları ətraflı təsvir etməyi düşünür.

@joestransplantjourney Replying to @moonpiebby ♬ original sound - Joe DiMeo

Aysel

Sfera.az