Meksika tarixində BİR İLK: Qadın prezident SEÇİLDİ - FOTOLAR
Meksikada prezident seçkilərinin nəticələri açıqlanıb.
Sfera.az xarici KİV-ə istinadən xəbər verir ki, Klaudiya Şeynbaum seçkilərin qalibi olub.
Ölkənin ilk qadın prezidenti olan 61 yaşlı siyasətçi sentyabrda fəaliyyətə başlayacaq.
O, yəhudi ailəsində böyüyüb. 2000-ci illərin əvvəllərində ölkənin hazırkı Prezidenti Andres Manuel Lopez Obradorun rəhbərlik etdiyi hökumət kabinetində Mexiko şəhərinin ətraf mühit üzrə katibi olub. 2018-ci ildə Şeynbaum Mexiko şəhərinin meri seçilib. Hakim partiyanın nümayəndəsi və Mexiko şəhərinin meri Klaudiya Şeynbaum ilkin hesablamalardan sonra səslərin 57,28%-dən çoxunu toplayıb.
Seçicilər prezidentlə yanaşı, federal və yerli səviyyələrdə 500 deputat, 128 senator və 20 min 708 vəzifə üçün də seçim ediblər.
Qeyd edək ki, seçkilərdə diqqət çəkən digər məsələ isə siyasətçilərin öldürülməsidir. Sui-qəsdlər nəticəsində ümumilikdə 38 siyasətçi həyatını itirib. Beləliklə, 2024-cü il ölkənin ən qanlı seçkiləri kimi qeydə alınıb.
Firuzə Əliyeva
