Dünyanın ən böyük seçkisi başa çatır - Bu gün son səsvermədir

Dünyada ən çox seçicinin iştirak etdiyi seçkilər bu gün başa çatacaq. 

Sfera.az xarici mediaya istinadən xəbər verir ki, Hindistanda 968 milyon seçicinin iştirak etdiyi seçkidə Xalq Assambleyasının (Lok Sabha) üzvləri müəyyənləşəcək. 
Hindistanda seçki qanunlarına görə, parlamentin aşağı palatası olan Xalq Assambleyasının üzvləri 7 mərhələdən sonra müəyyənləşir. 

Aprelin 19-da başlayan seçkilərin yekun mərhələsində 57 seçki dairəsində 904 namizəd mübarizə aparır. Bu gün 8 ştatda seçki keçiriləcək. Səkkiz ştatda təxminən 100,6 milyon seçici səs vermək hüququna sahibdir. 

Seçkilərdə əsas mübarizə hazırki Baş nazir Narendra Modinin rəhbərlik etdiyi Bharatiya Janata Partiyasının (BJP) başçılığı ilə qurulan Milli Demokratik Alyansı (NDA) ilə müxalifət partiyalarının əksəriyyətinin qoşulduğu Hindistan Milli koalisiyası arasında gedir. 

Seçkinin nəticələri iyunun 4-də açıqlanacaq.

Vasif