Bred Pitt qızı ilə yenidən barışacağına ümid edir
Bred Pitt 18 yaşlı qızı Şilo ilə münasibətlərini bərpa edə biləcəyinə əmindir.
Sfera.az bildirir ki, məşhur ulduz cütıüyün qızı Şilohun artıq 18 yaşı tamam olub. İndi Ancelina Coli qızına atasını görməyi qadağan edə bilməz.
Qeyd edək ki, bir zamanlar Ancelina Coli keçmiş əri Pittin 2016-cı ildə şəxsi təyyarədə sərxoş halda onu və oğlunu təhqir etdiyini, digər uşaqlara da fiziki şiddət göstərdiyini iddia edib. O vaxtdan bəri altı uşağın hamısı Bredlə gərgin münasibətdə olub.
İndi Pittə yaxın bir mənbə iddia edir ki, Hollivud ulduzu 2024-cü il mayın 27-də 18 yaşı tamam olan bioloji qızı Şilo ilə münasibətlərini gücləndirə biləcəyinə inamlıdır. Qız artıq yetkin olduğundan, atası ilə vaxt keçirib-keçirməyəcəyinə özü qərar verə bilər.
"İndi Şilohun 18 yaşı var. O, atası ilə münasibətlərini necə quracağına özü qərar verə bilər".
Bundan əlavə, mənbə bildirib ki, məşhur cütlük boşandıqdan sonra Coli uşaqlarında atalarına qarşı mənfi fikir formalaşdırıb.
"Yetkinlik yaşına çatmayanlarda hələ də belədir, lakin Şilo artıq yetkinlik yaşına çatıb. Onu yönləndirmək çətindir” - deyə mənbə əlavə edib.
Mənbə həmçinin əmindir ki, Bred Pitt nə qərar verməsindən asılı olmayaraq, Şilonu daim qeyd-şərtsiz sevəcək.
“Hər kəs əmindir ki, zamanla boşanma nəticəsində kəsilən əlaqə bərpa ediləcək”.
Qeyd edək ki, Şilodan başqa Bred Pitt və Ancelina Colinin iki bioloji övladı var - Noks və Vivyen. Onlar hələ də azyaşlıdırlar. Keçmiş cütlük övladlığa götürdükləri uşaqları da bioloji övladları ilə birlikdə böyüdüblər.
Aynil
Sfera.az
