Zelenskidən Braziliya liderinə ultimatum: "Bizim tərəfimizdə olmalısınız"
Ukrayna Prezidenti Volodimir Zelenski "O Globo" telekanalına müsahibəsində deyib ki, Braziliya Rusiya ilə sıx iqtisadi əlaqələri kəsməli və Moskvaya ultimatum təqdim etməlidir.
Sfera.az xarici mediaya istinadən xəbər verir ki, jurnalistlərlə söhbətində Ukrayna prezidenti braziliyalı həmkarı Lula da Silva ilə şəxsi əlaqələrin olmamasından şikayətlənib və ölkələr arasında pozulmuş münasibətlərdən danışıb. O əlavə edib ki, Braziliya Rusiya ilə münasibətlərə həddindən artıq diqqət yetirir.
"Braziliya bizim tərəfimizdə olmalı və Rusiyaya ultimatum təqdim etməlidir", - Zelenski deyib.
O, həmçinin Braziliya liderini iyunun 15-16-da İsveçrədə Ukrayna üzrə keçiriləcək sammitdə iştirak etməyə çağırıb.
Bundan əvvəl Zelenski İsveçrədə keçiriləcək sülh sammitində iştirak edəcəklərini hələ açıqlamayanları kəskin tənqid edib. Ukrayna prezidenti hesab edir ki, Ukrayna üçün belə siyasətçilər birbaşa düşmənlərdən daha pisdir. Bu arada, Çin nümayəndələrinin foruma gedib-getməməsi, eləcə də ABŞ-nin görüşə kimləri göndərəcəyi hələlik bəlli deyil. Moskva isə bu görüşə dəvət olunmayıb.
Əzizə
Sfera.az
