Evlilik üçün ideal yaş fərqi neçə olmalıdır? - AÇIQLAMA

Son zamanlar yaş fərqi çox olanların nikah statistikası artmaqdadır. Əsasən də kişilərin yaşının qadınların yaşından çox olduğu müşahidə olunur.

Bəs yaş fərqinin çox olması hansı problemlərə səbəb ola bilər?

Mövzu ilə bağlı Sfera.az-a danışan psixoloq Aygün Ağabalayeva bildirib ki, cütlüklər arasında böyük yaş fərqinin olması psixoloji travma ilə və ya evlilikdə münaqişələrlə nəticələnə bilər.

“Amma təbii ki, istisna hallar da var. Cütlüklər arasında ilk növbədə yaş fərqi 4 və ya 5-6 ola bilər.”

Psixoloq qeyd edib ki, cütlüklər arasında yaş fərqinin 5-6-dan daha çox olması bir sıra problemlərə yol aça bilər.

“Yaşı böyük bəy özündən yaşca kiçik xanımdan öncə müəyyən dövrü keçib. Gənc xanım aktiv həyat yaşamaq istədiyi halda, yaşı böyük bəy artıq bu həyatı yaşadığına görə onun üçün maraqlı olmaya bilər. Bu zaman arzu və istəklər üst-üstə düşmür və ailədə münaqişələr və fikir ayrılıqları yaranır.

Bu fikir ayrılıqları da öz növbəsində mübahisələrə səbəb olur. Bir-birinin istəklərini anlamayan tərəflər birgə xoşbəxt ola bilməzlər. Məhz bu baxımdan yaş fərqinin az olmasının böyük önəmi var. Yaşı qadının yaşına yaxın olan kişilər onun xəyallarını və istəklərini daha yaxşı anlaya bilir”.

Ülkər Abdurahmanlı